Ein Ko, ein Verke, eine Hippie, get Clowns en nog get anger sjiek oetgedoste luipers en luiperkes van de loapgroep Meas vertrokke op de Carnavalsdonderdig önger leiding van eine trotse kootsj “Cel den Jetste” aan ein verkleide loaptraining.  Ze hobbe die Ko en dat Verke önger de training noch motte vashoute omdat Boer Brouns die Ko en dat Verke in de deerekar hej wille stoppe op weag noa de slach. Etienne dei gans veul uiers op ziene kop hej es Koo, vroog zich aaf of Lisette den Uier noch ging mëlke dea zelfde oavend. Of dat der van gekömme is mot geer hem zelf mér es vroage.
Vief kjer neugehongertmeater steeng op ’t program en dat höbbe die verkleide effe snel aafgeraffelt öm zwoa sjnel mögelik weer in de kantien te zin veur ein lekker drenkske. ’t Woar waal aafzin in die werm pakke en ver zin dan auch allemoal kiloos aafgevalle van ’t transpirere.
Noa aafloap van de training höbbe veer noch önger het genot van ein pilske of eine cola effe biegekalt euver dei geslaagde oavend dei zeker veur herhaling vatbaar is. Veer wille doa gér ein teruukkömmende heppening van make es start van de vasteloavend.
Names “Cel de Jetste” wunsche veer uch eine sjoane Carnaval en veer zeen os natuurlik weer noa de carnaval om de biegekömme kiloos weer d’r van aaf te traine.
Önger het motto van ooze kootsj “Cel den Jetste”:
Mit carnaval veul sjpas en lol. Sjleit “t mich veer daag lank in miene bol. Zoep uch mér es lekker noa de kloate dan höbt geer oach weer get om euver te proate. Mer haol neet te veul onzin oet, anges sjöpt uch de vrouw noa de carnaval ’t hoes oet!!!

Alaaf Alaaf Alaaf              
lauper Maurice